1. నైరుతి రుతుపవనాల ముందస్తు చలనం
దేశానికి ప్రధాన వర్షపాతం అందించే నైరుతి రుతుపవనాలు ఈసారి సాధారణ తేదీలకు ముందుగానే దక్షిణ అండమాన్ సముద్రం, నికోబార్ దీవులు, దక్షిణ బంగాళాఖాతాన్ని మంగళవారం మధ్యాహ్నానికి తాకినట్లు భారత వాతావరణ శాఖ తెలిపింది. ఇప్పటికే నికోబార్ దీవుల్లో గత రెండు రోజులుగా భారీ వర్షాలు కురుస్తున్నాయి.
2. వృద్ధి దశలో రుతుపవనాలు
రానున్న మూడు నుంచి నాలుగు రోజుల్లో రుతుపవనాలు దక్షిణ అరేబియా సముద్రం, బంగాళాఖాతం మధ్య వరకు విస్తరించే పరిస్థితులు ఏర్పడుతున్నట్లు ఐఎండీ పేర్కొంది. వీటి ప్రభావంతో మే 27వ తేదీ నాటికి కేరళను తాకే అవకాశాలు బలంగా కనిపిస్తున్నాయి. ఇది సాధారణ తేదీ అయిన జూన్ 1కంటే నాలుగు రోజుల ముందుగా ఉంటుంది.
3. 2009 తర్వాత ఇదే మొదటి సారి
ఇలాంటి ముందస్తు రుతుపవనాల ఆగమనం గతంలో 2009లో జరిగింది. అప్పట్లో మే 23న కేరళకు రుతుపవనాలు వచ్చాయి. ఈసారి కూడా సాధారణ తేదీల కంటే ముందుగానే రావడం వల్ల, రాష్ట్రాలపై అధిక వర్షపాతం పడే అవకాశాలు ఉన్నాయని వాతావరణ శాఖ అధికారులు తెలిపారు.
4. తెలంగాణలో వర్ష బాట
జూన్ 12వ తేదీ వరకు తెలంగాణలో నైరుతి రుతుపవనాలు తాకనున్నట్లు అంచనా. ఈ నేపథ్యంలో రాష్ట్రంలో సాధారణం కంటే అధిక వర్షాలు కురిసే అవకాశం ఉందని భారత వాతావరణ కేంద్రం పేర్కొంది. తద్వారా ప్రస్తుతం కొనసాగుతున్న ఎండ తీవ్రత మరో వారం రోజుల్లో తగ్గే సూచనలు ఉన్నాయి.
