భారత గగనతలంలో పాకిస్థాన్‌కు చెందిన విమానాల రాకపోకలపై కేంద్ర ప్రభుత్వం విధించిన నిషేధాన్ని మరో నెల రోజుల పాటు పొడిగించింది. ఈ మేరకు శుక్రవారం కేంద్రం ఎయిర్ మెన్ (NOTAM) కు ప్రత్యేక నోటీసు జారీ చేసింది. ఈ నిర్ణయం పాక్ తీసుకున్న ప్రతిదాడి చర్యల ఫలితంగా తీసుకున్నదిగా ప్రభుత్వం పేర్కొంది. పాకిస్థాన్ భారత్‌కు చెందిన విమానాలకు తమ గగనతలాన్ని మూసివేయడంతో, భారత్ కూడా అదే విధంగా ప్రతిస్పందించింది.
జూన్ 23వ తేదీ వరకు ఈ నిషేధం అమలులో ఉంటుంది. నోటీసులో పేర్కొన్న ప్రకారం, పాకిస్థాన్‌లో రిజిస్టర్ అయిన విమానాలు, పాకిస్థాన్‌కు చెందిన ఎయిర్‌లైన్స్ యాజమాన్యంలో ఉన్నవిమానాలు, లీజ్‌కు తీసుకున్నవి లేదా ఆ దేశం తరపున ఆపరేట్ చేస్తున్న విమానాలు భారత గగనతలంలోకి ప్రవేశించకూడదని స్పష్టంగా పేర్కొన్నారు. ఇందులో పాక్ సైనిక విమానాలు కూడా చేరుతాయి.
ఈ నిషేధంతో పాకిస్థాన్‌కు చెందిన విమానయాన సంస్థలు ఆసియా, ఆస్ట్రేలియా వంటి దేశాలకు వెళ్లే దారిలో భారత్‌ను ముట్టుకొని ప్రయాణించాల్సి వస్తోంది. ఇది ప్రయాణ సమయాన్ని పెంచడమే కాకుండా, సంస్థల నిర్వహణ ఖర్చులు కూడా గణనీయంగా పెరుగుతున్నాయి. ప్రయాణికులకు ఇది అసౌకర్యాన్ని కలిగించే అవకాశం ఉంది.
ఈ ఆంక్షల నేపథ్యం పహల్గామ్‌లో ఇటీవల జరిగిన ఉగ్రదాడి. పాకిస్థాన్‌కు చెందిన ఉగ్రవాదులు జరిపిన దాడిలో 26 మంది ప్రాణాలు కోల్పోయారు. దీని అనంతరం భారత్ “ఆపరేషన్ సిందూర్” పేరుతో ఉగ్రవాద శిబిరాలపై ప్రతిదాడి జరిపింది. అప్పటి నుంచి ఇరు దేశాల మధ్య ఉద్రిక్తతలు పెరిగిన నేపథ్యంలో గగనతలంపై పరస్పర ఆంక్షలు అమలులోకి వచ్చాయి. ఇప్పుడు మరోసారి ఈ నిషేధాన్ని పొడిగించడం, సరిహద్దు సమస్యలపై ఉద్రిక్తతలు కొనసాగుతున్న సంకేతంగా విశ్లేషకులు పేర్కొంటున్నారు.
