భారత్ పై పాకిస్థాన్ ఆక్రమకమైన దాడులను ముమ్మరం చేసింది. ముఖ్యంగా జమ్ముకశ్మీర్, పంజాబ్ వంటి సున్నిత ప్రాంతాలను లక్ష్యంగా చేసుకుని రాకెట్లు, డ్రోన్ల ద్వారా తీవ్రమైన దాడులకు పాల్పడుతోంది. యూరి, కుప్వారా సెక్టార్‌లపై విరుచుకుపడిన పాక్ ఒక్కసారిగా పలు క్షిపణులు ప్రయోగించడం భారత భద్రతా వ్యవస్థను అప్రమత్తం చేసింది.
ఈ దాడులను భారత భద్రతా బలగాలు సమర్థవంతంగా తిప్పికొడుతున్నాయి. ఆర్మీ, ఎయిర్ ఫోర్స్ కలసి పాకిస్థాన్ ప్రయోగిస్తున్న క్షిపణులను ప్రయాణంలోనే అడ్డుకుంటున్నాయి. రాడార్, డిఫెన్స్ సిస్టమ్స్ సాయంతో వాటిని నిష్క్రియ పరిచే చర్యలు చేపట్టబడ్డాయి. దేశ భద్రత విషయంలో ఏమాత్రం వెనక్కి తగ్గేది లేదని అధికారులు స్పష్టం చేస్తున్నారు.
వాస్తవ పరిస్థితి మేరకు సరిహద్దు ప్రాంతాలన్నీ హై అలర్ట్‌లోకి వెళ్లాయి. పంజాబ్, జమ్ముకశ్మీర్‌లో సివిలియన్లను సురక్షిత ప్రాంతాలకు తరలించేందుకు చర్యలు చేపట్టబడ్డాయి. పాక్ నుండి వచ్చే ఏదైనా ప్రయత్నాన్ని తిప్పికొట్టేందుకు ప్రత్యేక బలగాలు రంగంలోకి దిగాయి. అత్యాధునిక ఆయుధాలతో శక్తివంతమైన ప్రతిస్పందనకు భారత దళాలు సిద్ధంగా ఉన్నాయి.
ఈ దాడులు మరియు పరిస్థితుల నేపథ్యంలో, భారత ప్రభుత్వం ఎలాంటి ప్రతిస్పందన ఇస్తుందన్నది ఆసక్తికరంగా మారింది. సామరస్యంతో కాకుండా శక్తితో ఎదుర్కొనే మార్గాన్ని భారత్ తీసుకుంటుందా? లేక మరింత దౌత్యపరమైన పరిష్కారాన్ని అనుసరించాలనుకుంటుందా? అనే చర్చలు కొనసాగుతున్నాయి. ప్రజల భద్రతను కాపాడడమే ప్రాధాన్యం అని కేంద్రం స్పష్టం చేసింది.
