టాలీవుడ్‌లో అతి తక్కువ సమయంలో స్టార్ ఇమేజ్‌ సంపాదించుకున్న హీరోయిన్ శ్రీలీల. అద్భుతమైన నటన, డ్యాన్స్ మ్యూవ్‌మెంట్స్, తనదైన స్క్రీన్ ప్రెజెన్స్‌తో విపరీతమైన క్రేజ్ తెచ్చుకుంది. వరుస అవకాశాలతో శ్రీలీల దూసుకుపోతూ, తెలుగు పరిశ్రమలో తనకంటూ ఒక స్థానం ఏర్పరుచుకుంది. ప్రస్తుతం బాలీవుడ్‌లోకి కూడా అడుగుపెడుతూ జోరు పెంచింది. ఇటీవ‌ల ఓ ఇంటర్వ్యూలో తన వ్యక్తిగత జీవితం, ప్రేమ, పెళ్లి గురించి ఆసక్తికర వ్యాఖ్యలు చేసింది.
ఈ సందర్భంగా పెళ్లిపై తన ప్లాన్‌ను స్పష్టంగా వెల్లడించింది. తన వయసు ఇంకా 24 ఏళ్లు మాత్రమేనని, కనీసం 30 ఏళ్లు వచ్చేంతవరకు పెళ్లి గురించి ఆలోచించదలచుకోలేదని చెప్పింది. ప్రస్తుతానికి తన దృష్టి పూర్తిగా కెరీర్‌పైనే కేంద్రీకరించిందని తెలిపింది. సినిమాలు, అవకాశాలు, అభిమానం లాంటి విషయాలే తాను ముందుగా చూడాలని భావిస్తోందని పేర్కొంది.
ప్రస్తుతం ప్రేమలో ఉందా? అన్న ప్రశ్నకు శ్రీలీల సరదాగా స్పందించింది. ‘‘నిజంగా ప్రేమలో ఉంటే… నన్ను చూసే నా అమ్మ నా పక్కన ఉంటుందా?’’ అంటూ ఎదురుప్రశ్న చేసింది. షూటింగ్‌ల్లోనూ, విదేశాలకైనా వెళ్లినా తన తల్లి తప్పనిసరిగా తనతోనే ఉంటుందని చెప్పింది. ఇలాంటి సమయంలో తాను ఎవరితో ప్రేమలో పడగలనా? అంటూ చురకలతో సమాధానమిచ్చింది.
శ్రీలీల ప్రస్తుతం టాలీవుడ్‌లో వరుసగా పెద్ద చిత్రాల్లో నటిస్తూ బిజీగా మారింది. స్టార్ హీరోలతో సినిమాలు చేస్తూ క్రేజ్‌ను మరింత పెంచుకుంటోంది. ప్రేక్షకుల ఆదరణ పట్ల కృతజ్ఞతతో ఉన్న శ్రీలీల, ఇప్పట్లో ప్రైవేట్ లైఫ్ గురించి ఆలోచించేది లేదని మరోసారి స్పష్టం చేసింది. తాను ఫిల్మీ కెరీర్‌కే పూర్తి అంకితభావంతో ఉందని, అభిమానుల ప్రేమను నిలబెట్టుకోవడమే తన లక్ష్యమని తెలిపింది.
