ఝమ్మంది నాదం’ సినిమాతో తెలుగు ఇండస్ట్రీకి ఎంట్రీ ఇచ్చిన హీరోయిన్ తాప్సీ ప్రేక్షకులకు వెంటనే దగ్గరైంది. తొలి సినిమాతోనే మంచి విజయం అందుకుని, సహజసిద్ధమైన నటనతో విమర్శకుల ప్రశంసలు కూడా దక్కించుకుంది. ఆ తర్వాత వరుసగా సినిమాలు చేస్తూ టాలీవుడ్లో ఓ రేంజ్కి ఎదిగింది. అయితే ఒక దశ తర్వాత ఆమెకు తెలుగులో అవకాశాలు తగ్గుతూ వచ్చాయి. ఇది అవకాశాల లేమి కారణమా, లేక ఆమె తీసుకున్న నిర్ణయాల ప్రభావమా అన్నది స్పష్టంగా తెలియని పరిస్థితి.టాలీవుడ్లో అవకాశాలు తగ్గినప్పటికీ తాప్సీ కెరీర్ మాత్రం అక్కడితో ఆగిపోలేదు. కెరీర్ పీక్స్లో ఉన్న సమయంలోనే బ్యాడ్మింటన్ స్టార్ మథియాస్ బోను ప్రేమించి వివాహం చేసుకుంది. పెళ్లి తర్వాత ఆమె పూర్తిగా బాలీవుడ్పై ఫోకస్ పెట్టింది. అక్కడ కంటెంట్ ఓరియెంటెడ్ సినిమాలను ఎంచుకుంటూ, నటనకు ప్రాధాన్యం ఉన్న పాత్రలతో స్టార్ హీరోయిన్గా తనకంటూ ప్రత్యేక గుర్తింపు తెచ్చుకుంది.బాలీవుడ్లో మహిళా ప్రధాన చిత్రాల్లో తాప్సీ పేరు ఒక బ్రాండ్లా మారింది. కథ బలంగా ఉంటే చాలు, స్టార్ హీరోలు లేకపోయినా సినిమాను తన భుజాలపై మోసే స్థాయికి చేరింది. సామాజిక అంశాలు, మహిళా సాధికారత, భావోద్వేగ కథలను ఎంచుకుంటూ తన నటన పరిధిని విస్తరించుకుంటోంది.ఈ క్రమంలో ఆమె సినిమాలు ప్రేక్షకులతో పాటు విమర్శకుల ప్రశంసలు కూడా పొందుతున్నాయి.
