వృద్ధాప్య దశలో వయసు పెరిగే కొద్దీ జ్ఞాపకశక్తి తగ్గడం సహజమే అని పెద్దలు చెబుతుంటారు. ఈ ఆలోచన చాలా వృద్ధులకు నిద్రను కూడా దూరం చేస్తుంది. నిపుణుల ప్రకారం, మెదడులో జ్ఞాపకానికి ముఖ్యమైన హిప్పోకాంపస్ (memory center) కుంచించుకుపోవడం కూడా దీనికి కారణమని సూచించారు.
పిట్స్బర్గ్ యూనివర్సిటీ పరిశోధకులు వృద్ధులపై అధ్యయనం నిర్వహించారు. 120 మంది వృద్ధులను పరిశీలించినప్పుడు వారంలో మూడు సార్లు 40 నిమిషాల వాకింగ్ చేస్తున్నవారి హిప్పోకాంపస్ 1 సంవత్సరంలో 2% పెరిగినట్లు గుర్తించారు.
విశేషంగా, హిప్పోకాంపస్ పెరుగుదల వృద్ధుల జ్ఞాపకశక్తికి నేరుగా ఉపకరిస్తుందని పరిశోధకులు గుర్తించారు. కాబట్టి వాకింగ్ కేవలం హృదయ వ్యాయామం మాత్రమే కాదు, మెదడుకు ఔషధం వంటిదని సూచించారు.
వృద్ధాప్యంలో అల్జీమర్స్ బారిన పడకుండా ఉండటానికి, జ్ఞాపకశక్తిని మెరుగుపరచటానికి వాకింగ్ అత్యంత అవసరమని నిపుణులు తెలిపారు. ప్రతిరోజూ లేదా వారానికి మూడు సార్లు వాకింగ్ చేస్తే మెదడును ఆరోగ్యంగా ఉంచుకోవచ్చని సూచిస్తున్నారు.
