హైదరాబాద్‌లోని ప్రముఖ వ్యాపార ప్రాంతంగా గుర్తింపు పొందిన బేగంబజార్, సిద్ధింబర్ బజార్, బేగంబజార్ ఛత్రి ప్రాంతాల్లో రద్దీ రోజురోజుకీ పెరుగుతోంది. ముఖ్యంగా ఈ ప్రాంతాల్లో దుకాణాల మధ్య చిన్నవైపు రోడ్లు ఉండటంతో ట్రాఫిక్‌కు తీవ్ర అంతరాయం కలుగుతోంది. ఈ నేపథ్యంలో రోడ్లను విస్తరించాలని గోషామహల్ నియోజకవర్గానికి చెందిన మెట్టు సాయికుమార్ గారు ప్రభుత్వం దృష్టికి తీసుకెళ్లారు.
త్వరలో ప్రారంభం కాబోతున్న ఉస్మానియా హాస్పిటల్ నిర్మాణం గోషామహల్ పోలీస్ స్టేడియంలో జరుగనున్న నేపథ్యంలో, ఈ మార్గాల్లో రాబోయే రోజుల్లో ట్రాఫిక్ మరింతగా పెరిగే అవకాశముంది. దీనిని దృష్టిలో ఉంచుకుని, రోడ్లను ఇప్పటినుండే విస్తరించాల్సిన అవసరం ఉందని స్థానికులు అభిప్రాయపడ్డారు.
ఈ విషయంపై బుధవారం మంత్రి పొన్నం ప్రభాకర్ గారిని స్థానిక ప్రజలు కలిసి తమ విన్నపాలను సమర్పించారు. రోడ్లను వెడల్పు చేయడం వల్ల వ్యాపార కార్యకలాపాలకు కూడా కొత్త ఊపొస్తుందని, అలాగే ప్రజలకు సౌకర్యంగా ఉంటుందని వారు వివరించారు. ముఖ్యంగా వ్యాపార జోన్ కావడంతో, ఎప్పటికప్పుడు ట్రాఫిక్ క్లియర్‌గా ఉండటం అవసరమని పేర్కొన్నారు.
ఈ ప్రాంత అభివృద్ధికి సంబంధించి ప్రభుత్వం కీలక చర్యలు తీసుకోవాలని, భవిష్యత్తులో అభివృద్ధికి అవరోధంగా మారే పరిస్థితులు తలెత్తకముందే చర్యలు తీసుకోవాలని ప్రజలు కోరారు. మంత్రి పొన్నం ప్రభాకర్ గారు వినతిని గమనించి, త్వరలో సంబంధిత అధికారులతో చర్చించి తగిన నిర్ణయం తీసుకుంటామని హామీ ఇచ్చారు.
